Fjordutsikt 2 - dobbeltseng - kr. 920,-
Vårt soverom Fjordutsikt 2 er eit koseleg lite soverom (8,6 m2) med dobbeltseng. Rommet ligg i 2. etasje (ingen heis) av huset. Baderommet er rett ved sida, og er felles med eit naborom. Sjølv om rommet ikkje er stort, er det tilstrekkeleg med plass til å slappe av. Bruk gjerne stova, kjøkken eller den store hagen rundt huset.
Om morgonen blir du vekka av lukta av nysteikte rundstykke til frukost. Eit innhaldsrikt frukostbord med eigne og andre kortreiste produkt ventar på deg i gamlestova. Frukosten vår er «rett og slett et høydepunkt i ferien» (utdrag av gjesteboka).
Møblane er i gammal stil. Lenestolen og sidebordet er laga av Brødrene Bjotveit AS. Stolen er frå rundt 1950. Med sine kongelege utskjeringar inviterer han til romantiske kveldsstunder. Prikken over i’en er vedomn for å varme opp kjølige vår- eller haustkveldar – litt som om ein tek nokre dagar på hytta.
Ver merksam på at gamle senger er kortare enn nye senger. Dobbelsenga i dette soverommet er 1,87 m lang. Gamle hus er heller ikkje så godt isolerte, difor kan det hende at ein høyrer lydar frå naborommet. Me ber dykk difor om å ta omsyn til dei andre gjestene i huset, spesielt om kvelden/natta.
Ver merksam på at gamle senger er kortare enn nye senger. Dobbelsenga i dette soverommet er 1,91 m lang. Gamle hus er heller ikkje så godt isolerte, difor kan det hende at ein høyrer lydar frå naborommet (spesielt frå badet). Me ber dykk difor om å ta omsyn til dei andre gjestene i huset, spesielt om kvelden/natta.
Utsikta frå rommet er fabelaktig – fjord og fjell så lenge auge strekkjer seg. Eidfjorden heiter fjordarmen ein ser frå vindauget. Ein ser rett på den imponerande Hardangerbrua. Det er ein veldig fin kveldstur. For fleire aktivitetsføreslag i området, sjå her. Frå vindauget ser ein òg over morelltrea våre – spesielt vakkert i bløminga. Til frukosten freistar me (i sesongen) med nyplukka morellar, plommer og bringebær.
Det er plass til ei babyreiseseng (kr. 50,- per natt).
Inkludert i prisen er frukost, sengetøy, handkle, morgonkåpe, tøflar og Wi-Fi.
Vårt gjestehus er eit hus med sjel og sitt heilt eige historiske særpreg. Huset vart utbygd av Johannes Bjotveit som i lag med broren Gunnar G. Bjotveit eigde og dreiv kunstmøbelverkstaden «Brødrene Bjotveit A/S». Gjestehuset vårt er møblert med møblar frå verkstaden, og me vil såleis skape eit levande museum og minne om kunstmøblane frå Bjotveit.
På Indre Bjotveit Gard, omgjeven av frukttre og eit vakkert landskap kan du slappe av og kvila ut. Om morgonen blir du vekka av lukta av nysteikte rundstykke til frukost. Eit innhaldsrikt frukostbord med eigne og andre kortreiste produkt ventar på deg i gamlestova.
Me har fire koselege gjesterom. To rom deler eitt bad. Alle rom deler opphaldsrommet, bestastovo, med TV, og kjøken. Kjøkenet er stengt for gjestene våre under frukosten, då me bruker dette til å førebu maten. Men elles kan du bruka kjøkenet til å lage lunsj eller middag.
Det er ein stor hage rundt huset som du kan bruke til å grille eller nyte utsikta.
Alle soverom ligg i 2. etasjen. Huset er diverre IKKJE tilrettelagt for rullestolbrukarar. Det er IKKJE tilatt med dyr.